|
|
搵工，
很累............
感覺，
就像以色列人在曠野四十年一樣，
兜兜轉轉，看不到出口。
是故，
MSN / FaceBook 皆以"出口"為頭像，
以示對"迦南"(流奶興蜜之地)/ 工作的渴求，
同時亦向上帝呼喊：「救命！」
及落入自我反省的漩渦。 | | |
| 轉貼：新世紀福音戰士陳士齊 | Isaacky_wong on Xanga
壹週刊
A066-070 | 時事 | 非常人語 2009-10-15
新世紀福音戰士陳士齊
明光社總幹事蔡志森近來有新搞作，論起政來，上月在港台節目《左右紅藍綠》反對泛民總辭，並且出言恐嚇：「對手愈強硬呢，中央只會愈強硬……
嗱任何違反呢個《基本法》嘅規定，同埋人大常委會決議嘅一啲強烈訴求呢，只會令到呢，中央呢，更加高調出手呢，去干預呢，二○一二選舉安排。」
他又催眠港人：「香港人最珍惜目前自由的生活方式，而不是堅持盡快普選特首及全體立法會（議員）。」
道德塔利班變身愛國塔利班，向北京表明心迹，希望他不是為了參選下屆特首鋪路。
明光社這番偉論，觸怒了神學家，社民連線成員，浸會大學宗教及哲學系高級講師陳士齊。
陳sir五十二歲，上週跑上《左右紅藍綠》還拖：
「他利用公眾頻道講自己嘢，無所謂，這是言論自由，
但佢講嘢核突，我就用公眾頻道話佢核突。」
他在節目指出，上帝造人，讓他們有民主普選權利。此話怎生解讀？
「如果有幾個鬼妹，豬扒咁款，我會踢走佢哋，但原來佢哋係英女王後人，
我就要尊重。同一道理，所有人都係上帝的兒女，係王子公主，
有神聖不可侵犯的權利，包括有權選擇自己的領袖。」
咁都得？「我希望你即使唔信基督教，都接受西方啟蒙運動的睇法：每人生而？」
比起明光社那套吃人的道德，記者寧願相信陳士齊：
「如果蔡志森唔同意，咁上帝是否做差中國人，生而不自由平等，
是蟻民，應該自卑，應該舔阿爺鞋底，舔阿爺C眼？」
基督教滲入骯髒的政治，美國早有，布殊便是福音派教會捧上神枱的；香港教會呢？
早期教會非常反共，九七一到便轉軚，積極參與建制派政治，最後結果係明光社。
反同性戀咪反同性戀囉，講乜嘢泛民總辭？點解要擦阿爺鞋，做阿爺隻狗？
因為想撈油水，這是教會內典型的賤人。這句你錄咗啦？
以前基督教機構只傳教，不做傷天害理的事，你捐了錢，不會揼心，
最多他們吞了筆錢買物業，中飽私囊，一無錢供樓，就宣布：「請大家為此禱告！」
敲詐班有錢佬，教會係非常屈機；明光社班人頂癮在於拿了筆錢後，害人，做狗。
中國人的基督教會，什麼核突嘢都可以發生。某年蔡元雲搞基督教活動，
請來董伯伯，蔡元雲當眾嗌咪：「董建華我愛你呀！」○三年七月，立法會表決廿三條，
當時全世界到場反對立法，有班基督徒在旁邊祈禱，反對賭波合法化。你班友去死啦！
如果我唔係教徒，當時你向我傳教，我一定唔信。
如果你班PK有種，就一齊反廿三條，
用《聖經》的講法：「你們要先求他的國和他的義，這些東西都要加給你們了。」
基督徒應該在政治上跟人民站在聯合陣線，做最重要的事，之後反對賭波這些小家議題，人民會俾你。
香港基督教在回歸後的事蹟，要數這件，之後你自己決定信唔信基督教。
九七年後，教會增長減慢，出教人數多了，我覺得一定同政治參與態度有關，
只有是非不分的人先至信教。我一定要叫蔡志森去死，他正在傷害福音。
布殊這種人，同蔡志森一樣，將基督教押在自己的自私上面。布殊落硬地獄，
蔡志森嗎？我唔知道，你問上帝。
同性戀
陳士齊不是同志，妻子是資深社工霍玉蓮，但他反對明光社反對同性戀。
香港教會大把隱性女同志，因為教會成日叫人唔好同非基督徒拍拖，
結果做老姑婆，要守獨身，但人有正常需要，守守吓便有地下形式的lesbian出現。
也有隱性男同志，基督教有個特色，select乸型男人；
好macho的，講粗口的，返兩次教會就被叫走，只有斯文淡定靚仔的乖仔留下，
而教會周圍都係女人，群雌粥粥，唔乸都浸到乸，無晒guts。
教會反同性戀，等於自暴其醜，叫自己教友去死。
你話《聖經》譴責同性性行為？
《聖經》太複雜，天主教叫人不要自行解釋，由教宗解經；
基督教沒有教宗撐場，阿豬阿狗、哪個神學院傻仔當了牧師，
都可以解經：「嗯，《聖經》話同性戀有罪，就有罪。」
其實《舊約》到《新約》只有不出十句講同性性行為，為何因此裁定不可以同性戀？
大衞是《聖經》裡面最偉大的王，佢有條仔約拿丹，
《聖經》說約拿丹愛大衞如愛自己性命，他死時，大衞喊苦喊忽……
用今日尺度看這兩條友，絕對係同性戀，點解你哋唔跟？
保羅不讓女人講道，要她們蒙頭。直至十九世紀，美國有班女人批判《聖經》，
發現細節不合精神，精神是愛，但細節對女人是恨。佢哋唔跟細節，女人才可講道。
現在香港簽名反對同志的，多數是教會姊妹，
你想想，如果你跟足《聖經》，你連簽名的權利都無。
你唔會因為覺得同性戀無罪，就要落地獄。
你可以話，唔明《聖經》這部分，有機會問上帝，為何《聖經》寫到咁爛，
如果上帝話，就係咁爛，咁上帝你俾我落地獄啦，我費事見到你。
《聖經》沒說有無地獄，只有火湖，我作為神學家，當然希望無地獄，我有責任將《聖經》解釋到無咁癲。
行你心所願
記者訪問過蔡志森，他承認曾自慰，但他不贊成年輕人自慰，反對嫖妓。還是陳sir豁達。
班o靚仔有需要，去叫雞，教會就當佢哋犯罪。
究竟你想佢哋犯罪，去砵蘭街，之後回來向你懺悔，
還是好像經常出現的新聞，某城大學生在地鐵非禮女人，前途盡毀？
中世紀教會容許人嫖妓，神學家奧古斯丁更承認，這是必要的惡，因為人有慾望。
香港教會要人做處男，人哋做唔到，就要承擔後果。
耶穌罵過這類人：「他們（法利賽人）把難擔的擔子捆起來，擱在人的肩膀上，自己連一個指頭都不肯動。」
今日教會充斥法利賽人，玩死基督教。
後生仔應該快樂，「行你心所願行的，看你眼所愛看的。」
即是什麼？買鹹書睇囉，「卻要知道，為這一切的事，神必審問你。」
無所謂啦，個個都睇，去到天堂，上帝問：「一號，陳勝藍，睇過乜嘢？
《Playboy》？out啦！二號，陳士齊，睇過《龍虎豹》？咁舊！
三號，清哥（攝記），睇過咩？《Asaki》？咁都入時少少。」
基督教可以好玩得，你當上帝是誰？恐怖怪物？西方基督教路德宗曾經叫人儘管犯罪，
上帝才赦免你的罪，你才感受到上帝的恩典。中國人其中一個最大問題係泛道德主義，
做人一定要最拘謹，最嚴肅。
你話《聖經》講過：「倘若你一隻眼叫你跌倒，就把它剜出來丟掉。」
剛才我望過《龍虎豹》封面一眼，就要剜眼？點做人呀？
保羅說過：「我恨不得那些擾亂你們的人把自己閹割了！」
咁你係咪自閹？基督教歷史上有個好出名的神學家俄利根，
他跟足《聖經》，結果真係閹了自己。
窮人
陳士齊不上教會；不讀經，因已滾瓜爛熟；飯前不祈禱，
不想單單感謝神賜飯，但不會放棄耶穌，因為神愛窮人。
耶穌好偉大，你睇四福音及《雅各書》，都幫助窮人。
二千年來基督教犯好多錯誤，但最後體會到，要俾社會上最不起眼的人有最基本權利，
十九世紀廢除奴隸，二十世紀婦女平等，真正的基督教就是要這些。
今日香港教會對窮人無感覺，糟質窮人又唔覺，搞社工機構幫窮人，
教會自己唔理，但社工機構好乖，政府點講，佢哋點做。
香港太少窮人返教會，他們被排擠。
我細個返北角宣道會，都有份排擠窮人，我讀皇仁，
你讀邊間？英皇，你呢？華仁、聖類斯，全部名校仔女，最渣都威靈頓。
剛好有幾個工廠妹來，連中學都無讀，無人睬佢哋，幾年後佢哋走咗，
其中一個幾靚，如果當時我醒少少，溝咗佢；我唔溝佢，就係因為階級。
我排第二，老豆以為生齊了，所以叫我「士齊」，
但後來我有四弟一妹。妹妹夭折，我想再見她，所以信耶穌。
我中一信主，中二傳教，搭電車時，誰坐在我旁邊，我就俾單張佢，
那些阿伯扮瞓覺，我照講，幾勇！當時我是根正苗紅的保守福音派基督徒。
你問我點解現在open？原諒我咁講：照計名校仔無理由咁萌塞。
當年我哋成班皇仁仔僅僅九分，到港大醫學院面試，
但聽聞方心讓一個人保了六個喇沙仔入醫學院，我哋唯有入生物系，當作傷兵收容所。
感謝神，我根本唔想入醫科，點解面試？
我老豆好怕共產黨，佢話文革乜人都批鬥，唯獨唔鬥醫生，因為共產黨都要睇病。
畢業後在中學教了幾年書，跑到倫敦英王學院讀神學學位，
之後去University of Aberdeen讀神學博士，九二年回港，加入浸大。
我在英國時，介紹一個皇仁師弟讀神學，他是關啟文（現時浸大宗教及哲學系副教授），
他更住在我家。九七年他創立明光社，蔡志森只係小毛賊，嘍囉。
現在關啟文是副教授，我是什麼？高級講師一個，小人物，教了十七年浸大，
仍是合約制，因為我同佢哋對着幹，尤其今次蔡志森事件。
你問我點解唔走？這把年紀，一個阿伯，可以做乜？你問我，如果學校炒我怎辦？
我驚o架，如果我咁都無諗過，無理由出嚟行，一旦出言不遜講錯嘢，俾人玩，就唯有玩落去，
無計，人總有錯，我一定要原諒自己。
| | |
|
再一次在城門河畔向你訴苦,
好想在旺角的十字路口大叫:啊~~~~~~~~~~~
唔會啦~
唯有向你:啊~~~~~~~~~~~~~
你告訴我你聽到我的呼喊, 非常好!!!
「叫你們的信不在乎人的智慧，只在乎神的大能。」(歌林多前書 2章:5節)
***
一直都想弄些甚麼, IR-Camera / Machines 之類,
so I love wacthing Makezine.com
但這不是自己的Career吧!!! 肯定!!!
今日在城門河畔,
!!! 我發現, 原來我想要的是屬於我的世界, 俾自己嚇親!!!
既然如此, 就創造一個吧!!!
Add Oil!!! | | |
|
有一日，你的恐懼從影子中鑽了出來，和你打了個照面， . 你吃過他，但又不太認識他，你很恐懼你的恐懼， . 這是當然的； . . 他想和你抱抱，你的恐懼也很恐懼， . 他令你吃過他，他太認識你， . 也是當然的； . . 在森林中，你們很怕吃與被吃，各自在自己的範圍中呆著， . 靜靜地，一股微風吹拂，陽光從樹梢中透過了一道金芒， . 不經意的掃落在你們身上， . 倏地，你倆四目交投，異口同聲向對方說： . 「對不起！」 . . 一切也回歸虛無。 . . 「你不要害怕，因為我與你同在； . 不要驚惶，因為我是你的神。 . 我必堅固你，我必幫助你； . 我必用我公義的右手扶持你。」(以賽亞書41:10) . . 有時，面對自己，比面對任何事都可怕。 .
| | |
|
|
